भर

कस्को पर्खाईमा छौ तिमी?
समय तिमीलाई पर्खिरहेछ |
संसार बदल्ने तिमी नै हौ ,
आउने जाने क्रम त भइरहेछ !

बाधा अड्चन त हुनेछन्, तर तिमिलाई याद होस ! तुफानलाई बाधाले रोक्दैन || सोचले अड्काउला निरन्तरतालाई? तर अठोटले सोचलाई जित्छ| लक्ष्य यति ठूलो बनाउँ कि? तिम्रो लक्ष्य सुन्दा अरुलाई डर लागोस् | सोच ,खोज ,लड, उठ ! संसारको निम्ति होइन, आफ्नो निम्ति | तिमी योद्धा हौ, बादल माथि सोचको पंख फिजाएर, कल्पनामा संसार निर्माण गर्ने प्राणी | हावाको बहावलाई चिरेर, सूर्यको तापलाई छेकेर, ब्रह्माण्डको शक्तिलाई आफूभित्र समेट्ने प्राणी | विचार र विश्वासको भरमा, संसारको भाग्य निर्माण गर्ने प्राण | भोको लक्ष्य, दृढ अठोट, गन्तव्य समक्ष छौं, तैपनि अलमल्ल? आँधीलाई चिरेर, पहाड पन्छाएर| तिमी धैर्य चोर,यही प्रकृतिसँग ! स्तब्धताबाट उपदेश निकाल्दै , शून्यताबाट भाव निकाल्दै , जोस घट्ला कहिले? पथ हराउला कहिले? आफैले धकल आफूलाई, आफ्नै भर गर अहिले ! जगतलाई जुन चमत्कार लाग्छ. तिमी त्यस्तो कार्य गर | बीर गाथाहरू,हुन्छन् जुन किताबमा, तिमी त्यसका कथाहरु भर |